सुर्खेत । जाजरकोट नलगाड नगरपालिका ५ मा ज्वरोका कारण एक विद्यार्थीको मृत्यु भएको छ ।
नगरपालिका स्थित जुनी माद्यामिक विद्यालय सिर्केमा कक्षा ७ मा अध्यनरत मेनुका खड्काको मृत्यु भएको हो । विद्यालयमा अध्ययरत छात्राको मृत्युभएपछि विद्यालय बन्द गरिएको छ ।
विद्यालयका विद्यार्थी तथा शिक्षक, शिक्षिका विरामी भएपछि गणेश प्राथमिक विद्यालय लविसा समेत बन्द गरिएको छ ।
गाउँगाउँमा विरामी भएपछि समस्या भएको स्थानीय शिक्षक हरिश बुढाथोकीले जानकारी दिनुभयो ।
स्वास्थ्यकर्मी पठाईदिन नगरपालिकालाई जानकारी गराएपनि अहिले सम्म स्वास्थ्यकर्मी गाउँमा नपुगेको जानकारी उहाले दिनुभयो ।
हप्ता दिनमा बढेको ज्वरो र रुघाखोकीका कारण गाउँनै समस्यामा परेको स्थानीयले बताएका छन ।
यता, हुम्लाको सर्केगाड गाउपालिका वडा नम्बर १ जैर तुम्च अन्तरगत पर्ने देवल आधारभुत विद्यालयाका बिद्यार्थी अज्ञात रोगका कारण धमाधम बेरामी हुन थालेका छन ।
विद्यार्थीहरु बिरामी पर्न थालेपछि आउदो आइतबार सम्मका लागि विद्यालय बन्द गरिएको छ ।
८ कक्षासम्म अध्ययन हुने विद्यालयमा जम्मा १ सय ५० जना विद्यार्थी रहेका छन । ति मध्य अधिकासंस विद्यार्थीहरु बिरामी परेका हुन ।
ज्वरो आउने, उल्टि हुने, टाउको दुख्ने, छाती दुख्ने, सास फेर्न गारो हुने, एकासी ढल्ने, रुने कराउने जस्ता लक्षण देखा परेको विद्यालयलले जनाएको छ ।
बिद्यालयका प्रधानाध्यापक काली बहादुर रावतका अनुसार विद्यार्थीहरु धमाधम बिरामी पर्न थालेपछि पठनपाठन बन्द गरिएको हो । उपचारका लागि गाउँपालिकाले चिकित्सकहरु पठाउने तयारी गरेको छ ।