सुर्खेत । कर्णालीका स्थानीय सरकारहरुले बजेट कार्यान्वयनलाई तिव्रता दिएका छन ।
चालु आर्थिक वर्षको २०७९÷०८० आठ महिना पुरा भइसक्दा कर्णालीका स्थानीय तहहरुले विकास निर्माण योजना कार्यान्वयन गर्नतर्फ केन्द्रीत भएका हुन । हालसम्म ६५ प्रतिशत बजेट कार्यान्वयन भइसकेको जनप्रतिनिधिहरु बताउछन । दैलेखको चामुण्डाविन्द्रासैनी नगरपालिका नगर प्रमुख, गणेश कुमार शाहिले असारे विकास नै अविकासको मूल कारण भएको भन्दै असार अगावै योजनाहरु कार्यान्वयन गरिसक्नेगरी काम भइरहेको बताउनुभयो । अहिलेसम्म हामी विकासको काममा असार केन्द्रीत भयौँ । उहाले भन्नुभयो, “बजेट सक्नकै लागि गरिने त्यस्तो कार्य अब बन्द हुनुपर्छ । यसैलाई मध्यनजर गरेर असार अगावै सबै योजना कार्यान्वयन गरिसक्नेगरी काम गरिरहेका छौ ।”
नगरपालिकाबाट विनियोजित दुईसय ८५ योजना मध्य अहिले कार्यान्वयनको अन्तिम चरणमा रहेको जानकारी दिनुभयो ।
चामुण्डाविन्द्राशैनी नगरपालिकाले चालु आर्थिक वर्ष रु ११ करोड बजेट पुजीगत तर्फ विजियोजन गरेको थियो । जस अनूसार बैशाख मसान्त सम्म पालिका स्तरबाट भएका विनियोजित योजनाहरुको भूक्तानी दिइसक्ने कार्यपालिकाको निर्णय छ ।
यस्तै, कालिकोटको पचालझरना गाउँपालिकाले पनि आर्थिक बर्ष २०७९÷०८० को हाल सम्म ७५ प्रतिशत बजेट कार्यान्वयनको चरणमा गएको बताएको छ ।
गाउँपालिका अध्यक्ष्य देवराज शाहीले चालू आर्थिक वर्षको ९ करोड विकासे बजेट रहेको भन्दै घोषित कार्यक्रमहरूको कार्यान्वयन गरी भनाइ र गराइबीचको खाडल पुर्नेगरी काम भएको बताउनुभयो । अब भाषणमात्रै होइन व्यवहारिक रुपमा काम हुनुपर्छ । त्यही नीतिलाई फ्लो गरेर हामीले विकास निर्माणका कामहरु गरिरहेका छौ, उहाले भन्नुभयो ।
सल्यानको बागचौर नगरपालिकाले पनि ५० प्रतिशत बजेट कार्यान्वयन भइसकेको जनाएको छ । अन्य योजना पनि कार्यान्वयनको चरणमा रहेको जनाइएको छ । नगरप्रमुख जनकराज गौतमले भन्नुभयो । “विगतका बर्षहरुमा बजेट कार्यान्वयन समयमै नहुने, असार केन्द्रीत विकास हुँदा विकासका काम समेत गुणस्तरिय नहुने अवस्था थियो । त्यसलाई अन्त्य गर्नुपर्छ भनेर हामीले अहिलेदेखि योजना कार्यान्वन छिट्टै गर्नेगरी काम गरेका छौ । असार महिना त बजेट कार्यान्वयनको महिना होइन, योजनाहरु तयार गर्न छलफल गर्ने महिना होनी ।”