सुर्खेत । सुर्खेतको वीरेन्द्रनगरबाट भरुवा बन्दुकसहित एक जना पक्राउ परेका छन्।
वीरेन्द्रनगर नगरपालिका–१४ राम्चे बस्ने ४० वर्षीया गोविन्द दर्लामीलाई बन्दुकसहित प्रहरीले पक्राउ गरेको हो ।
जिल्ला प्रहरी कार्यालय सुर्खेतबाट खटिएको ५ जनाको प्रहरी टोलीले दर्लामीको घरबाट १ नाल भरुवा बन्दुक फेला पारको थियो ।
प्रहरीले बन्दुकसहित उनलाई नियन्त्रणमा लिएर जिल्ला प्रहरी कार्यालय सुर्खेतमा राखिएको जनाएको छ ।
यता, जिल्ला अदालत सल्यानबाट भद्र व्यबहार र लुटपाट मुद्दामा फरार प्रतिवादीलाई प्रहरीले पक्राउ गरेको छ।
जिल्ला प्रहरी कार्यालय सल्यानबाट खटिएको ३ जनाको प्रहरी टोलीले घरमा लुकिछिपि गरेर बसिरहेको सयमा पक्राउ गरेको हो।
पक्राउ पर्नेमा शारदा नगरपालिका–१५ बस्ने अन्दाजी २२ वर्षीया करन वादी र शारदा–५ बस्ने ३६ वर्षीया राजेन्द्रबहादुर महतरा रहेका छन्।
करन वादीलाई अभद्र व्यबहार मुद्दामा ५ हजार जरिवाना र महतरालाई लुटपाट मुद्दा लागेपछि फरार भएको प्रहरीले जनाएको छ। उनिहरुलाई आवश्यक कारबाहीका लागि जिल्ला अदालत सल्यानमा राखिएको छ।