सुर्खेत । दशैंको मुख्य दिन नजिकिएसँगै कर्णाली प्रदेशमा पछिल्लो तिन दिनमा करिब १९ हजार नागरिक भित्रिएका छन् ।
ट्राफिक प्रहरी कार्यालय कर्णाली प्रदेशको कात्तिक एक गतेदेखि आजसम्मको तथ्याङ्क अनुसार विभिन्न काम र पढाइको शिलशिलमा प्रदेश बाहिर गएका १८ हजार ९ सय ७७ जना आफ्नो जन्म स्थान आएका हुन् ।
तथ्याङ्कअनुसार तिन हजार ५ सय ६४ जना भने कर्णालीबाट दशैंको लागि बाहिरिएका छन् ।
कर्णालीमा भित्रिने र बाहिरिने सबैभन्दा ठुलो नाका बबै नाकाबाट मात्रै आजसम्म करिब १४ हजार नागरिक भित्रिएका छन् भने २ हजार एक सय ८५ जना बाहिरिएका छन् ।
प्रदेश ट्राफिक कार्यालय प्रमुख एवम प्रहरी उपरिक्षक राम प्रसाद शाहका अनुसार कपुरकोट र कालिमाटी नाकाबाट ५ हजार नागरिक भित्रिएका छन् । प्रदेशका तिन वटै नाकाबाट प्रदेश बाहिरिनेभन्दा भित्रिनेको संख्या धेरै रहेको उहाको भनाई छ ।
भिडभाड धेरै हुने भएकाले यो बेलामा दुर्घटनाको जोखिम पनि धेरै हुने भएकाले सिट क्षमताभन्दा धेरै यात्रु नराख्न सचेत गराइएको शाहले बताउनुभयो ।
कर्णालीमा यात्रुको सहजताका लागि २६ ठाउँमा यात्रु सहायता कक्ष हेल्प डेस्क राखिएको उहाले जानकारी दिनुभयो ।
काँही कतै समस्या भए जानकारी गराउन उहाले यात्रुहरुलाई आग्रह समेत गर्नुभएको छ ।