काठमाडौँ । कतारका राजा शेख तमिम बिन हमाद अल थानीलाई राष्ट्रपति रामचन्द्र पौडेलले त्रिभुवन अन्तर्राष्ट्रिय विमानस्थलमै स्वागत गर्नुहुने भएको छ ।
दुई दिने राजकीय भ्रमणका लागि भोलि मंगलबार बेलुका नेपाल आउन लागेका कतारी राजा थानीलाई राष्ट्रपति पौडेल नै विमानस्थल पुगेर स्वागत गर्न लागेको परराष्ट्र मन्त्रालयले जनाएको छ ।
दुई राष्ट्र प्रमुखबीच औपचारिक भेट भने शीतलनिवासमा हुनेछ । परराष्ट्र मन्त्रालयका अनुसार, राष्ट्रपति पौडेलले उनको सम्मानमा राजकीय भोजको समेत आयोजना गर्ने कार्यक्रम तय भएको छ ।
बुधबार प्रधानमन्त्री प्रचण्डसँग द्विपक्षीय वार्ता गर्ने कार्यक्रम छ। दुवै नेताले द्विपक्षीय सम्झौता र समझदारीपत्रमा हस्ताक्षर गर्ने कार्यक्रम छ।
उहा बुधबार फर्कने कार्यतालिका छ।
कतारी राजाको स्वागतका लागि सरकारले भोलि सार्वजनिक बिदासमेत दिएको छ।