सुर्खेत । कर्णाली प्रदेश सरकारले आगामी आर्थिक वर्ष २०८१–०८२ कालागि ३१ अर्ब ४१ करोड ४१ हजार बजेट सार्वजनिक गरेको छ ।
आर्थिक मामिला तथा योजना मन्त्री महेन्द्र केसीले प्रदेशसभामा चालु आर्थिक वर्षको भन्दा झन्डै दुइ अर्ब कमको बजेट पेस गर्नुभएको हो ।
चालुतर्फ सात अर्ब ५७ करोड ५५ लाख ९२ हजार अर्थात २४।१२ प्रतिशत र पुँजीगततर्फ १८ अर्ब ७५ करोड आठ लाख ६८ हजार ५९।७ प्रतिशत रहेको छ ।
मन्त्री केसीले सुशासन र सामाजिक न्यायसहितको समृद्ध कर्णाली, सामाजिक आर्थिक र भौतिक विकाससहितको समाजवाद उन्मुख कर्णाली भन्ने मुल ध्येयका रहेको बताउनु भयो ।
आर्थिक समृद्धि, सामाजिक न्याय, गरिबी निवारण, रोजगारी सिर्जना र उद्यमशिलता विकास गरी समृद्ध कर्णाली सुखारी कर्णालीवासीको दीर्घकालीन सोंच कार्यान्वयन गर्न आगामी बजेट केन्द्रित हुने उहाँको भनाई छ ।
कर्णाली प्रदेश सरकारले नयाँ बजेट बन्त्रालयगत रुपमा सबैभन्दा धेरै भौतिक पुर्वाधार तथा सहरी विकास मन्त्रालयलाई छुट्याएको छ ।
यो मन्त्रालयलार्इ आगामी आर्थिक वर्षकालागि १० अर्ब ४६ करोड विनियोजन गरिएको छ ।
यस्तै सामाजिक विकास मन्त्रालयकालागि ५ अर्ब ७२ करोड जलस्रोत तथा ऊर्जा विकास मन्त्रालयकालागि २ अर्ब ८६ करोड रकम विनियोजन गरिएको छ ।
उद्योग, पर्यटन, वन तथा वातावरण मन्त्रालयकालागि १ अर्ब ९४ करोड भूमि, व्यवस्था, कृषि मन्त्रालयकालागि १ अर्ब ८६ करोड विनियोजन गरिएको छ
सबैभन्दा कम आन्तरिक मामिला तथाकानुन मन्त्रालयलाई २९ करोड ६४ लाख विनियोजन गरिएको छ ।
चालु आर्थिक वर्षमा प्रदेश सरकारले ३३ अर्ब ३७ करोड ९७ लाख ७ हजार विनियोजन गरेको थियो ।
गरिबी निवारण र रोजगारी प्रदेश सरकारको जिम्मेवारी भन्ने नाराका साथ कर्णालीमा मुख्यमन्त्री रोजगार कार्यक्रमका लागि १ अर्ब १६ करोड बजेट विनियोजन गरिएको छ ।
अर्थमन्त्री महेन्द्र केसीले आगामी आर्थिक वर्षको लागि बजेट प्रस्तुत गर्दै उक्त कार्यक्रमलाई महत्वका साथ राखिएको बताउनुभयो ।
मुख्यमन्त्री रोजगार कार्यक्रमबाट १६ हजार युवाहरुलाई प्रत्यक्ष रोजगारी दिइने अर्थमन्त्री केसीले उल्लेख गर्नुभयो ।
विदेशबाट फर्किएका युवाहरुले सिकेको ज्ञान, सिप र अनुभव तथा पुँजीलाई व्यवसाय तथा रोजगारीमा लगाउने योजना वजेट मार्फत ल्याइएको छ ।
मन्त्री केसीले शिक्षा क्षेत्रको सुधारका लागि सरकारले प्रथामिकता राखेको बताउनुभयो । आगामी ३ सय ७० विद्यालयको भौतिक पूर्वाधार सुधार तथा विकास गर्नको लागि १ अर्ब १० करोड विनियोजन गरिएको मन्त्री केसीले बताउनुभयो ।
मुख्यमन्त्री डिजिटल शिक्षा कार्यक्रमका लागि १० करोड विनियोजन गरेको छ । यस कार्यक्रम अन्तरगत विद्यालयमा सूचना तथा सञ्चार प्रविधिमा आधारित शिक्षण सिकाईको सुविधा बिस्तार गरिने छ ।
यसैबिच, कर्णाली प्रदेश अस्पताल सुर्खेतको पूर्वाधार विकास र जनशक्ति व्यवस्थापनका लागि ५० करोड विनियोजन गरिएको छ । भने अन्य जिल्ला अस्पतालहरुको पूर्वाधार विकास र जनशक्ती व्यवस्थापन गरिने वजेट कार्यक्रममा उल्लेख गरिएको छ ।
कृषि क्षेत्रमा उत्पादन एक स्वामित्व अनेक भन्ने नारा लिइएको वेजेटमा व्यवसायिक तरकारी खेती, गाइभैसी र माछा पालन व्यवसाय गर्न प्रेरित गर्ने, जिल्लागत रुपमा फलफुल खेतीलाई जोड दिएएको छ भने कृषक अनुदानलाई निरन्तरता दिइएको मन्त्री केसीले बताउनुभयो ।
कर्णाली प्रदेशकै प्रमुख पर्यटकीय गन्त्तव्यको रुपमा रहेका रारा सुर्खेतको काँक्रेबिहार, बुलबुले उद्यान रुकुमको स्यार्पु ताल संरक्षण र विकासका लागि बनेका गुरुयोजना कार्यान्वनका लागि १४ करोड वजेट विनियोजन गरिएको छ भने संघिय सरकारको समन्वयमा सुर्खेत विमानस्थल विस्तार गर्न आवश्यक वजेट विनियोजन गरिएको वजेट वक्तव्यमा उल्लेख गरिएको छ ।