सुर्खेत । सल्यानमा दिदीबहिनी नै घरभित्र मृत अवस्थामा भेटिएको पाइएको छ ।
मृत भेटिनेमा बनगाड कुपिण्डे नगरपालिका–११, सिस्नेपालत भन्ने गाउँकी ३ वर्षीय करिष्मा राना र उनकी ६ महिनाकी बहिनी राघवी राना रहेको जिल्ला प्रहरी कार्यालय सल्यानका सूचना अधिकारी रमेश क्षेत्रीले बताउनुभयो ।
उहाका अनुसार घटना बुधबार बिहानको हो । उनीहरुका बाबु टेकमान राना रोजगारीका सिलसिलामा जिल्ला बाहिर रहेको र आमा पुर्णिमा राना घरमै भएपनि घटनाबारे अझै खुलिनसकेको उहाको भनाइ छ । स्वास्थ्यमा कुनै समस्या नरहेको उनीहरु मृत अवस्थामा फेला परेकोले घटना शङ्कास्पद रहेको क्षेत्रीले बताउनुभयो ।
अनुसन्धानपछि मात्रै सबै कुरा भन्न सकिने उनले बताउनुभयो ।
यता, रुकुमपश्चिममा एक व्यक्तिको शव फेला परेको छ ।
आठबिसकोट नगरपालिका –१३ भल्ल गाउँ नजिक ठुलीभेरी नदि किनारमा एक पुरुषको शव फेला परेको हो ।
जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले नदी छेउमा भेटिएको शवको पहिचान हुन नसकेको बताउनु भयो।
पोष्टमार्टम रिपोर्ट पछि थप अनुसन्धान गरिने भन्दै उहाँले अहिल्यै ङटनाबारे यकिन भन्न नसकिने बताउनु भयो ।